உயிர்க் காதல்

காதல் வயப்பட்டாள்

மறுபடியும்!

மலர்ந்ததும், படர்ந்ததும்

அறியும் முன்னே

ஆட்கொண்டது அவளை!

சரணடைந்தாள்

காதலின் மோகத்தில்!

மெல்ல மெல்ல 

தன்னை இழந்தாள்

புற்று நோய் 

அவள் மீது கொண்ட காதலில்!

துணை

த‌னிமைக்குத் துணையாக‌
உன்னை அழைத்தேன்
என் த‌னிமை
உன்னையும் அச்சுறுத்திய‌தோ
வ‌ர‌ ம‌றுத்தாயே
என் க‌ண்ணீரே

சிவந்தது

உன் அழகை
நான் ரசிக்க
வெட்கத்தில் சிவந்தாயா
இல்லை
கோபத்தில் சிவந்தாயா?

அவ‌னிட‌த்தில் அவ‌னாய்....

க‌ன‌வுக‌ளும், ஆசைக‌ளும்
உன‌க்கு ம‌ட்டும் சொல்லி
பிடித்த‌வையும், பிடிக்காத‌வையும்
உன்னிட‌ம் பேசி
வெட்க‌த்திலும், அழுகையிலும்
உன் மார்பில் முக‌ம் புதைத்து
ஊட‌லும் கூட‌லுமாய்
உன்னை வில‌கியும், க‌ட்டிய‌ணைத்தும்
ப‌க‌லிலும், இர‌விலும்
இன்பங‌க‌ளையும் துன்ப‌ங்க‌ளையும்
ப‌கிர்ந்து கொள்ள‌
அவ‌னாய் விள‌ங்கும்
என் த‌லைய‌ணையே!
உன்னிட‌த்தை
அவ‌ன் அடையும் நாளெதுவோ?!

என் காத‌லி

அவளை காணும் வ‌ரை

க‌ன‌வுக‌ளை

க‌விதையாய் வ‌ரைந்தேன்!

அவளை காத‌லித்த‌ப் பின்

நிக‌ழ்வுக‌ளை

க‌விதையாய் ப‌திவு செய்தேன்!

அவ‌ளை பிரிந்த‌ பின்

துய‌ர‌ங்க‌ளை

க‌விதையாய் செதுக்கினேன்!

தெளிந்தேன்! தெரிந்து கொண்டேன்!

நான் காத‌லித்த‌து

அவ‌ளை அல்ல‌

க‌விதையை என்று!

வழி காட்டி

திரும்பிப் பார்க்க நேரமில்லை

நடந்து வந்த காலடித் தடங்களை

வழி நடத்தும் சுவடுகள் இல்லை

முன் நிற்கும் பாதைகளில்

செல்ல மனம் விழையவில்லை

பலர் சென்ற வழிகளில்
வழி காட்ட யத்தனிக்கிறேன்
எவரும் செல்லாதப் பாதையில்
என் காலடிப் பதித்து!

அ ஆ இ ஈ .....

அன்பால் இணைந்து

ஆண‌வ‌த்தால் பிரிய‌

இன்ப‌த்தைத் தேடி

ஈர்க்கும் திசையில் ந‌க‌ர‌

உள்ள‌ங்க‌ளில்

ஊர‌ட‌ங்கு அமைதி!

எண்ண‌த்தில் குழ‌ப்ப‌ம்

ஏக்க‌த்தின் தாக்க‌ம்

ஐய‌ங்க‌ளின் அச்சுறுத்த‌ல்

ஒருவ‌ர் வாழும் உல‌க‌ம் என‌

ஓடிய‌து த‌னிமை வாழ்க்கை!

A small attempt to write some lines in alphabetical order but with some theme.