Wednesday, February 21, 2024

ஜன்னலோரம்

தினசரி பேருந்துப்  பயணம்
அன்றைய இமாலய வெற்றி
ஜன்னலோர இருக்கை 

காக்கை

காக்கைக் கரைந்தது 
விருந்தினர் வருவர் என்று சொல்லிக் கடந்தனர்
காக்கைக் கரைந்தது பசியோடு
 

Tuesday, February 20, 2024

சுமைதாங்கி

எழுதாத பேனாவும்
எழுதப்படாத  காகிதமும்
சொல்லப்படாத காதலுக்குச் சுமைதாங்கியாய்!

தகப்பன்

சிற்பி வடித்த சிலை கடவுளாகக் கோவிலில் 
தரிசித்தான் தூரத்திலிருந்து
தத்துக் கொடுத்த தகப்பனாய்
 

Wednesday, January 24, 2024

முந்தானை

எப்பொழுதும் திட்டிக் கொண்டே சாப்பிடும் அவன் 
பேசாமல் பரிமாறும் அவள்
கைகழுவியதும் தேடுகிறான் அவளின் முந்தானையை

வாழ்க்கைத் தத்துவம்

முடித் திருத்தகங்கள் சொன்னது 
ஆழமான வாழ்க்கைத் தத்துவம் 
மயிராப் போச்சு! 

உரை

ஈரடி குறள் 
உரைநூல்கள் பல 
தீராத தாகமாய்