துரோகம்

சிதைந்தது  நம்பிக்கை கற்பழிக்கப்பட்டு 
அலைந்தது மனம் அம்மணமாய் 
நிகழ்ந்திருந்தது துரோகம்

படிக்காதவன்

பாடத்தை கவனிக்காத மாணவன் 
அரைகுறையாய் செய்த வேலை 
அரைவேக்காடு முட்டை

உணவுக்கலவி

இருவரும் உரசிக் கொள்ள
உடல் கத கதப்பில் மெல்ல
வெண்ணிற ஆடை தகர்த்து
பொன்னிற மேனி வெளிப்பட
அரங்கேறியது ஒரு தோசையின் பிறப்பு

இட்லி

எப்பொழுதும் வெள்ளை ஆடையில்
விதவையாய் அவள்!
மருமணத்தின் முயற்சி - பொடி இட்லி

துர்நாற்றம்

பலமுறை முகர்ந்துப் பார்த்தான், கலவிக்கு முன் 
தன் மீது துர்நாற்றம் வீசுகிறதா என்று 
முகம் சுளிக்காமல் சாக்கடை தூய்மை செய்பவன்

காதல் செய்வீர்!

காதலிக்கும் ஒவ்வொருத்தருக்குள்ளும் 
கவிதத்துவம் பிறக்குமாமே!
ஆதலால் காதல் செய்வீர்!