நிகர்

தோற்றுவிட்டாய் பெண்மையில் 
ஆதலால் காமம்!
தோற்றுவிட்டாய் பெண் அறிவிடம் 
ஆதலால் பெண் அடிமை!
தோற்றுவிட்டாய் சக ஆணிடம் 
ஆதலால் தாலியும் மெட்டியும்!
தோற்றுக் கொண்டிருக்கிறாய் உன்னிடமே 
உடல் சுரப்பிகளை அடக்க இயலாது!
உன் தோல்விகள் 
பெண்ணினத்தின் வலிமையை பறைசாற்ற 
அதையும் அறியாத ஆண்மகனே!
முயன்று வா 
தோல்விகள் வெற்றியின் படிகள் என்று 
காத்திருக்கும் பெண்ணினம் 
நிகர் ஆணினத்தைக் காண !