தமிழ் மணம்

Wednesday, October 1, 2025

பசலை நோயில் மரங்கள்
இலையுதிர் காலம்!

காதல், கல்யாணம், குடும்பம்
அவள் கனவாய் !
முதிர்க்கன்னி அவள் !

வழுக்கு மரம் ஏறியதில்லை என்றேன்
சிரித்தது வாழ்க்கை
என்னைப் பார்த்து

சாக்கடை அள்ளுபவனின் நாசியை
சுத்தம் செய்தது
மீன் குழம்பு வாசம்

காசு இல்லா நாட்கள்
அண்டிப் பிழைத்த உணவு உருவாக்கியது
தொண்டைக்குள் பிரசவ வலி

இலை உதிர்ந்த மரங்கள் நிர்வாணமாய்
மேலாடைப் போர்த்தியது
வெள்ளை பனிக்கட்டிகள்

வாழ்க்கையின் இரைச்சலிலிருந்து
அவ்வப்போது விடுவிக்கும்
தற்காலிக போதிமரங்களாய் - டீக்கடைகள்!