தமிழ் மணம்

துணையும் துணைவனும்

2011-12-12T22:38:00.000+05:30

என்றைக்கோ எதன் பொருட்டோ
சந்தித்தோம்
இறுதி வரை துணை
நீ என்றாயிற்று
சுற்றம் சூழ்ந்திருந்த போதும்
உன்னையே நாடும் ஏக்கம்
இன்பத்திலும் துன்பத்திலும்
வெற்றியிலும் தோல்வியிலும்
ஏற்றத்திலும் தாழ்விலும்
உன்னோடு நான்
முப்பொழுதும் துணையாய் நீ
எப்பொழுதும் துணைவனாய் நீ
உன்னை பிரியும் காலமும்
வருமோ என் தனிமையே?

குறை

2011-12-12T22:24:00.005+05:30

ஆணும் பெண்ணுமாய் நீ

அம்மையப்பன் என்று வணங்கினர்

ஆணும் பெண்ணுமாய் நான்

அலி என்ற ஏளனப் பெயர்கொண்டு

உன் திருநங்கைப் படைப்பை

குறை சொல்லுவதா?

அல்லது

குறுகிய மனம் கொண்டு

மானுடம் படைத்ததை

குறை சொல்லுவதா?

உன் படைப்பு

2011-12-12T22:22:00.001+05:30

ஆணென்றும் பெண்ணென்றும் படைத்தாய்

ஆச்சரியம் அடைந்தேன் !

ஆறறிவு புகுத்தினாய்

'ஆ' வென்று பார்த்தேன் !!

வேற்றுமையில் வலிமையை வித்திட்டாய்

வியந்து போனேன் !!!

அவர்களுள்

குறுகிய மனம் படைத்தாய்

குறை கண்டேன் உன் படைப்பில்

உனக்கும் அடி சறுக்கியதோ

என்னை படைத்தவனே?!

உயிர்க் காதல்

2011-05-22T20:18:00.001+05:30

காதல் வயப்பட்டாள்

மறுபடியும்!

மலர்ந்ததும், படர்ந்ததும்

அறியும் முன்னே

ஆட்கொண்டது அவளை!

சரணடைந்தாள்

காதலின் மோகத்தில்!

மெல்ல மெல்ல

தன்னை இழந்தாள்

புற்று நோய்

அவள் மீது கொண்ட காதலில்!

துணை

2011-05-22T19:20:00.001+05:30

த‌னிமைக்குத் துணையாக‌
உன்னை அழைத்தேன்
என் த‌னிமை
உன்னையும் அச்சுறுத்திய‌தோ
வ‌ர‌ ம‌றுத்தாயே
என் க‌ண்ணீரே

சிவந்தது

2011-02-13T11:54:00.002+05:30

உன் அழகை
நான் ரசிக்க
வெட்கத்தில் சிவந்தாயா
இல்லை
கோபத்தில் சிவந்தாயா?

அவ‌னிட‌த்தில் அவ‌னாய்....

2011-02-05T23:01:00.000+05:30

க‌ன‌வுக‌ளும், ஆசைக‌ளும்
உன‌க்கு ம‌ட்டும் சொல்லி
பிடித்த‌வையும், பிடிக்காத‌வையும்
உன்னிட‌ம் பேசி
வெட்க‌த்திலும், அழுகையிலும்
உன் மார்பில் முக‌ம் புதைத்து
ஊட‌லும் கூட‌லுமாய்
உன்னை வில‌கியும், க‌ட்டிய‌ணைத்தும்
ப‌க‌லிலும், இர‌விலும்
இன்பங‌க‌ளையும் துன்ப‌ங்க‌ளையும்
ப‌கிர்ந்து கொள்ள‌
அவ‌னாய் விள‌ங்கும்
என் த‌லைய‌ணையே!
உன்னிட‌த்தை
அவ‌ன் அடையும் நாளெதுவோ?!

என் காத‌லி

2010-12-10T15:24:00.002+05:30

அவளை காணும் வ‌ரை

க‌ன‌வுக‌ளை

க‌விதையாய் வ‌ரைந்தேன்!

அவளை காத‌லித்த‌ப் பின்

நிக‌ழ்வுக‌ளை

க‌விதையாய் ப‌திவு செய்தேன்!

அவ‌ளை பிரிந்த‌ பின்

துய‌ர‌ங்க‌ளை

க‌விதையாய் செதுக்கினேன்!

தெளிந்தேன்! தெரிந்து கொண்டேன்!

நான் காத‌லித்த‌து

அவ‌ளை அல்ல‌

க‌விதையை என்று!

வழி காட்டி

2010-08-08T22:49:00.003+05:30

திரும்பிப் பார்க்க நேரமில்லை

நடந்து வந்த காலடித் தடங்களை

வழி நடத்தும் சுவடுகள் இல்லை

முன் நிற்கும் பாதைகளில்

செல்ல மனம் விழையவில்லை

பலர் சென்ற வழிகளில்
வழி காட்ட யத்தனிக்கிறேன்
எவரும் செல்லாதப் பாதையில்
என் காலடிப் பதித்து!

அ ஆ இ ஈ .....

2010-06-13T02:46:00.000+05:30

அன்பால் இணைந்து

ஆண‌வ‌த்தால் பிரிய‌

இன்ப‌த்தைத் தேடி

ஈர்க்கும் திசையில் ந‌க‌ர‌

உள்ள‌ங்க‌ளில்

ஊர‌ட‌ங்கு அமைதி!

எண்ண‌த்தில் குழ‌ப்ப‌ம்

ஏக்க‌த்தின் தாக்க‌ம்

ஐய‌ங்க‌ளின் அச்சுறுத்த‌ல்

ஒருவ‌ர் வாழும் உல‌க‌ம் என‌

ஓடிய‌து த‌னிமை வாழ்க்கை!

A small attempt to write some lines in alphabetical order but with some theme.

தெளித‌ல்

2010-06-13T01:30:00.001+05:30

ஏமாற்ற‌ம், அதை புரிந்து கொண்டேன்
நீ பொய் சொன்ன‌ போது
வ‌லி, அதை அறிந்து கொண்டேன்
நீ என்னிட‌மிருந்து வில‌கி நின்ற‌ போது
இற‌ப்பு, அதை தெரிந்து கொண்டேன்
நீ என்னை பிரிந்த‌ போது
என‌க்குள் நானே உயிர்த்தெழுந்தேன்
இனி நீ என‌க்கில்லை என்றான‌ போது!

முன் தினம் பார்த்தேனே ....

2009-03-28T08:48:00.001+05:30

Here is what I penned for music of Harris Jayaraj.....try singing it in the same tune as "Mun Dhinam Paarthene" song from Vaaranam Aayiram.....

Hehe....yes...he created the music...i wrote my own lyrics...and doesn't it mean I wrote for his music
------------------------------------------
முன் தினம் பார்த்தேனே
இன்றைக்கும் பார்த்தேனே
தினமும் தான் பார்ப்பேனே
என்னை நான் கண்ணாடியில்
எத்தனை பார்த்தாலும்
பார்த்தது போறாமல்
மறுபடி பார்த்தேனே,
நேரமும் வீணானதே !
கண்களில் மை பூசவா?
தலையிலே பூச்சூடவா?
இப்போதே அவன் வந்து பார்த்தால் என்ன ?
அதன் பிறகு மேக்கப்பை கலைத்தால் என்ன ?..... (2)

(முன் தினம்....)

தலை முதல் கால்கள் வரையில்
என்னை நானே ரசித்துக் கொள்ள
சில நேரம் நின்றேனே கண்ணாடி முன்
புடவை நிறத்தில் நெற்றிப் பொட்டும்,
வளையல் மாலை தோடுகள் அணிந்து
பொருத்தங்கள் பார்த்தேனே பல முறை நான்
ஒ....மீண்டும் மீண்டும் மாற்றிப் பார்த்தேன் பொருந்தும் வரை
இமை மையும் உதட்டுச் சாயம் சேரும் வரை
முட்கள் ரெண்டும் துரத்திச் செல்ல நேரம் போனதே !!

(முன் தினம்....)

கிடைத்தும் எட்டாத பொக்கிஷம்

2008-07-19T00:18:00.000+05:30

சிலருக்கு கிடைக்காதப் பொக்கிஷம்
எனக்கு கிடைத்தப் பெருமிதம்!
இந்தப் பெருமிதத்தோடு
அடுத்தவர் பார்வைக்கு எட்டாது
நான் உன்னோடு உலாவரும்
கனவுலகம்!
அக்கனவுலகத்தில்
உனக்காக நான் கொண்டிருக்கும்
எதிர்பார்ப்போ ஏராளம்!
அந்த எதிர்பார்ப்புகளின் நடுவே
பிடித்தவைகள் பிடிக்காமல் போயின;
எதிலும் உன் நினைவே மேலோங்கின;
அந்நினைவில் உள்ளமும் உடலும்
வலித்தப் போதிலும் சுகமாயின!
இப்படி
கனவோடும் வலியோடும்
உன்னை காணப் போகும் நாளை
எதிர்நோக்கி இருக்க,
நீயோ என்னைக் காணாது,
என் கனவுகளையும் இருட்டாக்கி
இவ்வுலகிற்கு வராது
என் கர்பப் பையிலேயே இறந்து
கிடைத்தும் எட்டாத பொக்கிஷமானதும் ஏனோ?

வரவேற்றுக் காத்திருக்கிறோம் !!

2007-12-26T19:21:00.000+05:30

வரவேற்கிறோம்!
உன் காது மடலில்
கொஞ்சும் காதணிகளை!
உன் கையில் வலம் வரும்
வளையல் போன்ற வளையங்களை!
அவ்வப்போது மருதாணி
சிவக்கும் கைவிரல்களை!
பெண்களே (சில சமயம்) பொறாமைப்படும்
உன் கூந்தல் சரிவை!
பெண்களைப் போன்று
அழகு நிலையத்தையும்
நாடிச் செல்லும் இச்சைகளையும்
வரவேற்றுக் காத்திருக்கிறோம் !!
பெண்களைப் போன்றே
ஒரு நாள்
கருவையும் சுமப்பாய் என்று!!!

மோதலும் காதலும்

2007-12-24T09:56:00.000+05:30

மோதலில் தொடங்கி
காதலில் வளர்ந்து
கல்யாணத்தில் தொடர்ந்து
நீதிமன்ற வாசலில் முடிவுற
மீண்டும் தொடர்ந்தது மோதல்!

அடையாளம் !!!

2007-12-23T22:56:00.000+05:30

ஆடவனே!
கட்டியத் தாலியும்,
இட்ட குங்குமமும்,
போட்ட மெட்டியும்,
உன் திருமணத்திற்கு
அடையாளம்
என்று நினைத்தாயோ?
இல்லை !

மற்ற ஆடவரை
நீ நம்பவில்லை
என்பதின் அடையாளம் !!!

ஆசையும் காமமும்

2007-12-22T09:13:00.000+05:30

பெண்ணின் காமம்
ஆசை இருக்கும் வரை
ஆணின் ஆசை
காமம் இருக்கும் வரை

வாழ்க்கை ஒப்பந்தம்

2007-12-21T19:07:00.000+05:30

அடுத்தவர் பார்வைக்கோ
தாமரையாய்த் தெரிந்தது !
நான்குச் சுவருக்குள்ளேயோ
அந்தத் தாமரை மலரும்
சேற்றாய்க் கரைந்தது !
இதுவே இன்று பலரின்
வாழ்க்கை ஒப்பந்த முறையானது!!!!

இயற்கையின் சுயநலம்

2007-12-13T21:46:00.000+05:30

இயற்கையே!
உன் மேகச் சுமையை மழையாக இறக்கினாய்!
உன் வெப்பச் சுமையை அக்னி நட்சத்திரமாய் ஒளிர்ந்தாய்!
உன் வேகச் சுமையை சுழற்காற்றாய் வீசினாய்!
உன் குளிர்ச் சுமையை பனியாகப் பொழிந்தாய்!
இப்படி
உன் சுமைகளை இறக்கி
இந்த பூமி்யை
சுமைத் தாங்கியாக மாற்றிய
உன் சுயநலத்தை
என்னென்று சொல்வது?

அறியாமையா (அ) அவையடக்கமா?

2007-12-09T18:55:00.000+05:30

பெண்ணே
உன் நிலைமைக்குக் காரணம்
உன் வலிமையைப் பற்றிய
அறியாமையா?
அல்லது
அறிந்தும் ஆண் வலியுறட்டும்

என்று விட்டுக்கொடுத்த
அவையடக்கமா?

பொது நலம்

2007-10-27T18:16:00.000+05:30

பொது நலம்
'என்'னையும் மீறிய சுயநலம்!

வசந்த காலம்

2007-10-27T18:14:00.000+05:30

வசந்த காலம்
அது வந்த காலம்
வந்ததை அறியும் முன்பே
என்னை விட்டுச் சென்ற காலம்
அது வ(ச)ந்துச் சென்ற காலம்